Ol Helt woka long kantri i nau stap insait long namba 11 de bilong givim ol banis sut bilong sik polio long ol pikinini i stap aninit long 5-pela krismas long olgeta hap long Papua Niugini.

Long ol rurel komyuniti we rot bilong kar i nogat, ol helt woka i karim ol sut marasin na i wokabaut i go insait long givim sut long ol pikinini long ol dispela ol ples.

Tracey Anunsi em i wanpela helt woka husat i wok long karim aut dispela polio kempen wantaim ol wanwok bilong en long Kokoda.

Piksa i soim Tracey i holim bokis bilong sut marasin na i wokabaut i go long wanpela rurel komyuniti long Kokoda long givim banis sut.