Ol Maroons fans long Papua Niuini i gat tupela bikpela astingting long amamas long State of Origin raun wan las wik we i lukim Maroons i win egensim New South Wales long State of Origin Series.

Em 10-pla de bihain long PNG star Justin Olam i bin helpim tim bilong em Melbourne Storms long winim NRL grenfainel, em yangpla Maroon pilaia, Xavier Coates i bin stap insait long win bilong Maroons tu.

Coates em i bin kamap long Pot Mosbi na mama bilong em bilong Gulp provins long PNG na papa blong em bilong Australia.

Em i tok Origin em i wanpela strongpla level tru bilong pilai insait long ragbi lig. Coates i tok maski ol i bin daun long hap taim, ol i bin stap strong na piali i go inap long ol i bin win.

State of Origin long dispela yia em i bin suruk sampela mun wantaim hevi bilong COVID-19, na ol i pilai long Adelaide long Saut Australia long namba wan taim.