CARITAS Teknikel Sekenderi Skul (Caritas) long Pot Mosbi em i wanpela namba wan Teknikel Vokesenel Edukesen Trening (TVET) Skul long Papua Niugini.

Deputi sekreteri bilong Edukesen Misis Annemarie Kondo i mekim dispela tok las wik taim em i mekim kinot adres long ol papamama, ol sumatin na ol gest husat i kamap long bung wantaim Caritas long namba 21 greduesen bilong en.

Misis Kondo i tok planti yangpela meri long planti hap long wol i save painim hat long go long skul. Long PNG Caritas em i givim spes long ol yangpela meri long kisim edukesen na ol sumatin i ken go isi na kisim skul. Tasol planti moa yangpela meri long PNG i stap yet na i gat driman long skul.

Dispela greduesen i lukim 193 yangpela meri i kisim setifiket bilong gret 12 long teknikel edukesen.

Misis Kondo i tok kain skul olsem Caritas i gat planti sans long ol koles na yunivesiti.

Em i tok moa olsem edukesen dipatmen bai i lukluk long kirapim moa kain skul olsem long kantri long Caritas insait long kantri.

Rosa Koian i raitim