FOTI sumatin bilong PNG LNG Projek long Hela, Sauten Hailens, Galp na Sentral provins i bin kisim Skolasip olsem hap bilong 2020 Bisnis na Profesenel Wimen Asosiasen (BPW) PNG LNG Projek Program.

Dispela olgeta sumatin i save skul long 23 institusen long olgeta hap bilong kantri stat long Hai skul, vokesenel skul, teknikol kolis na yunivesiti. Wan wan skolasip bai karamapim olgeta tusen fi wantaim boding long kempes na haus bilong ol sumatin.

“PNG LNG Projek i bin opim dispela skolasip program wantaim patnasip bilong ExxonMobil PNG, we mipela i no bin save olsem 2020 yia em bai COVID-19 pendamik long olgeta hap bilong wok,” Presiden bilong BWP Jessinta Wagambie i tok.

“Edukesen em ki faundesen bilong sosioikonomik divelopmen,”Menesing Dairekta bilong ExxonMobil PNG Andrew Barry i tok.

“Mipela i amamas olsem dispela program i karamapim hai skul na 20 arapela fil bilong skul long haia edukesen sumatin. Mipela i luk fowat long lukim ol sumatin i pinisim skul bilong ol gut,” Andrew Barry i tok.

Astingting gol bilong dispela program em long sapotim ol sumatin na yut long ol hap PNG LNG Projek i stap long en long go het wantaim edukesen long hai skul, vokesenel skul, teknikol kolis na yunivesiti long kantri. BWP bai i tokaut long 2021 skolasip program long tupela olgeta de Niupepa long wik antap.

BPW em Pot Mosbi not-profit-ogenaisesen we astingting bilong ol em long givim sans long ol yangpela pipel long go het wantaim edukesen bilong ol. PW i bin stat long 1982.