Milen Be Provins i ripotim namba wan COVID-19 keis na ol skul long Alotau i pas stat long dispela wik
Tunde 18 Ogas inap wanem taim Provinsal Helt Atoriti i tok orait gen long ol sumatin i ken go bek long
skul.

Provinsal Edukesen Edvaisa Roma Tuidam i tok, olgeta sumatin i mas stap long haus wantaim ol
papamama na ol bai i yusim ol skul metirel ol i kisim pinis long tem 1.
Ol gret 8, 10, na 12 i mas yusim gut dispela taim long stadi na redi long ol nesenel eksem bilong ol long
pinis bilong dispela yia.
Long dispela taim ol skul we i no gat gutpela wara na toilet fesiliti i mas wokim na impruvim dispela ol
fesiliti.
Tuidam i tok ol tisa husat i stap long hotspot eria i mas stap long kwarentin long haus bilong ol na larim
ol speselis bilong helt long karimaut kontek tresing.
Em i askim tu ol bod ov menesmen long bungim ol papamama na wasim na klinim olgeta klasrum na ol
arapela fesiliti bilong ol sumatin bipo long ol sumatin i kam bek long skul.
Ol skul long ol arapela hap long Milen Be Provins i ken go het long nomol skul. Sapos i gat senis Provinsal
Edukesen Opis bai i toksave.
Olgeta skul i mas bihainim ol protokol bilong COVID-19 na ol i mas werim mask, na wasim han olgeta
taim. Ol i mas bihainim tut ok bilong sosel distens.