DIVINE WORD UUNIVERSITY (DWU) i bin givim ansa long COVID-19 salens long las wik Fraide.

Ol i bin harim olsem namba bilong COVID-19 keis long Pot Mosbi i bin go antap na isi long kalap hariap long wanpela komyuniti i go long narapela hap bilong kantri, kain ol ples we DWU skul i stap, em (Madang, Wewak, Rabaul, Tabubil).

Long Madang kempes ol i bin stat bihainim dispela ol rul bilong COVID-19 long Fraide 31 Julai, 2020.

• Ol bai yusim tupela geit wantaim ID kad tasol. Dispela em bilong olgeta. Ol wok man meri husat i no gat ID bai nid long kisim nupela. Ol ausait pipel husat i kam insait long kempes i mas kolim memba bilong ol lain wok insait long skul pastaim long lukim ol o i mas gat tok orait pepa.
• Ol Sekyuriti (Rangers) bai sekim olgeta lain husat i laik go insait long geit na olgeta i mas wasim han bilong ol.
• Husat ol i kam insait long kar, ol draiva i mas gat han sanitaisa insait long kar na olgeta lain antap o insait long kar i mas kam aut na wokabaut i go insait long geit na bihainim lo bilong geit, dispela em bilong olgeta sumatin na wok manmeri.
• Baksait geit i stat lok long 6 klok apinun i go inap 6 klok monin wantaim ol wok manmeri bilong redim moning kaikai i ken kam insait long 5 klok na 6 klok moning.
• Long seifti bilong olgeta mein geit stat lok long 6 klok apinun bilong ol sumatin long kam insait taim ples em tudak. Sapos ol abrusim (7 klok nait) em ol i mas rekotim nem na ID namba bilong ol sumatin husat i kam insait leit.
• Mein geit i mas lok long 10 klok nait.
• Ol sekyuriti i save rekotim ful infomesen bilong wanem kain kar kam insait long skul, long san taim na nait wantaim.
• Ol i putim toksave ausait long bilbod long geit i toksave long husat i laik kam insait long kempes.
• Ol sekyurit i mas sekim ol bilum i kam insait long kempes long lukim no gut ol karim sampela samting we skul i tok no gat long en, kain olsem bia na maruana. Na tu ol i sekim insait bilong kar i kam insait long kempus.

Long Klasrum

• Ol klas ran nomol wantaim stap longwe long narapela na helti laipstail. Long dispela taim ol Deans na HoDs i mas holim wanpela liklik klas sais tasol dispela bai no inap long dispela taim. Olgeta tisa i mas statim klas wantaim awenes long stat bilong klas. Werim mask insait long klas na arapela taim, taim ol i wokabaut long grup.
• Ol de sumatin i bai kam long skul tasol ol i mas bihainim lo bilong geit.

Long Ples bilong kaikai

• Ol wok manmeri husat i go pas long sekim ID bilong sumatin i mas werim han glap.
• Olgeta husat i laik kam long wok o ples bilong kaikai i mas wasim han pastaim na bihain go insait na kaikai.

Long Klinik na kwarentin

• Edministresen i mas mekim gut long Madang Kempes klinik i ken givim 24/7 sevis long ol sumatin
• Bai i gat 24/7 mobail pon hotlain.

Helti Laipstail

• Ol stopim buai long kempes. Sekyuriti i sekim dispela insait long kempes. Sapos ol painim wanpela i kaikai buai long pablik hap bai ol sasim em K100.
• No gat smok long pablik hap insait long kempes bikos ol bai sasim K100 long ol lain i brukim dispela lo.
• No ken karim bia go insait long kempes tu, bikos em bai skul saspendim ol
• No gat bodi kontek spot kain olsem ragbi. Tasol volibal, soka, Taekwondo, Zumba em ol i ken pilai long bikpela hap wankain long St John Paul II haus.
• Helti sosol ektiviti bai kamap tasol wantaim liklik namba bilong ol pipel i bung.
• Ol stopim sosol ektiviti i save bringim ol ausait pipel kam insait.
• Ol lotu ektiviti i ken kamap long bikpela hap kain olsem John Paul II haus we ol sia bai stap longwe long narapela o haus win insait long kempes.

Edministresen

• Ol i bai gat bung long olgeta wik long Madang kempes na ol Wok Grup bilong COVID-19 i save givim ripot wantaim edvais.
• Kempes edministresen bai strongim kontek wantaim ol Provinsal Helt Atoriti.
• Ol SRC na Peer Eduketa bai promotim awenes na helti prektis namel long ol sumatin.
• Ol i promotim toksave olsem COVID-19 lo i no wok bilong edministresen. Em bisnis bilong yumi olgeta .