Carolyne Ketsimur i raitim NAMBAWAN Super Limited (NSL) i askim strong tru ol lain i stap long graun 2157, 2156 na 2159 long 9 Mail ausait long Pot Mosbi long lusim dispela hap graun nau.

NSL i redi long mekim divelopmen long dispela graun bilong en. NSL i tok ol dispela pipel husat i no gat tok orait long stap long dispela hap graun wantaim ol NSL memba i mas lusim dispela hap. NSL i bin givim namba wan toksave pinis long olgeta lain i stap mas muv aut. Dispela hap graun i mas stap long ples klia bai NSL i ken mekim plen long wanem kain gutpela divelopmen em i ken mekim long dispela hap graun. Bai ol sivil wok olsem bringim pawa, wara, baret na kolta rot i kamap long dispela hap graun. NSL i tok sori long ol memba we bai bungim hevi bikos long dispela,, tasol, olsem trasti bilong moa long 208, 000 hatwok sitisen bilong PNG, em mas komitim em yet long lukautim intres bilong olgeta memba bilong fan long kantri. Long sosol meping we i bin kamap, NSL i painimaut olsem 210 memba husat i no kisim tok orait bilong NSL ol i stap long dispela graun. Long dispela 210 memba liklik lain i bin aplai long kisim haus edvens na liklik lain tru i bin kisim tok orait long kisim. Em i bikepela salens tru long kisim bek hap graun long 9-mail. Proses em i hat na kisim longpela taim. NSL i no tok orait long ol haus edvens stat long kot ruling 2020 we i bin givim bek 2156, 2157 na 2159 graun i go long NSL. Long dispela taim, ol 24 memba i bin aplai long haus edvens tasol ol i no kisim tok orait long kisim. Ol memba husat i bin aplai long kisim haus edvens na i bin kisim tok orait long NSL long sanapim haus long 9-mail graun i mas rejista ol wari bilong ol wantaim 9-mail Projek Menesa Tim (PMT) .