BOD bilong Twinza Oil Limited i tokaut olsem Robert Gard i nupela Sif Ekseketiv Opisa (CEO) na em bai statim wok bilong em long Mande 17, Janueri 2022.

Robert Gard i gat moa long 35 krismas ekspirens long wel na gas na 12-pela krismas olsem sinia ekseketiv long Australia wel na gas kampani na tu, em i bin wok 23 yia long ExxonMobil. Mista Gard i bin wok wantaim Denison Gas Limited olsem CEO long Me 2019 long taim em i kisim nupela wok bilong em long Twinza. Em i bin mekim gutpela wok olsem neserel ges prodiusa long Is Kos Australia gas maket. Long 2019 i go long 2018, long taim em i wok wantaim Denison Gas, em i bin CEO bilong Pilot Energy long ASX. Em i bin wok long ASX long 8-pela yia. Long taim em i wok long ASX, Robert i bin paitim toktok i go kam wantaim gavman bilong Cuba long Production Sharing Contract (PSC). Antap long dispela, em pinisim bikpela veliu bilong famaut agrimen wantaim Petrobras, ENI na Origin Energy long Australia. Em i bin wok long Thailand, Indonesia na Malaysia tu. Strong bilong wok bilong Robert i kam long 23 krismas em i wok wantaim ExxonMobil. Siaman bilong Twinza, Stephen Quantrill i tok “Robert i joinim Twinza wantaim bikpela na strongpela rekot bilong eksektiv lidasip na menesmen wantaim ol kaunta pati long Australia na ovasis. Em i gat save long menesim ol aset stat long namba wan stej bilong divelopmen i go inap long prodaksen.” Em i tok em amamas long wok wantaim Robert Gard na stretim ol agrimen bilong divelopim Pasca A projek long gutpela sindaun bilong ol pipel bilong PNG. Robert Gard i tok em i amamas long joinim Twinza. Em i tok Twinza i gat gutpela projek i redi na em i redi tasol long helpim long bringim i go antap long narapela level we bai veliu bilong em i gat luksave na benefitim ol pipel bilong PNG.