PIS em i namba wan abus bilong ol lain i stap arere long solwara na ol bikpela wara. Long wankain taim em wanpela rot bilong ol dispela lain pipel long kisim mani.

EU-STREIT PNG i wok bung wantaim National Fisheries Authority (NFA) na ol provinsal divisen bilong Fiseris na Egrikalsa na Laipstok long sapotim na apim prodaksen na profit bilong pis na long wankain taim kontribiut i go long fud sekyuriti na nutrisen long wan wan famili. Dispela sapot i kam wantaim strongpela invesmen long divelopim kepesiti na impruvim ol teknik bilong kamapim gutpela prodaksen, proses na maket bilong pis long ol komyuniti, ol pis bisnis na gavman institiusen. Sampela risal i bin kamap long dispela wokbung em; • Ol i sanapim 12-pela provinsal fiseri opisa bilong akwakalsa na fiseris opisa operesen.• Ol i mekim ol asesmen long 5-pela lokal-level gavman na luksave long ol hevi na rot bilong stretim operesen bilong pis.• Mekim wok painimaut long 7-pela distrik program taget eria na luksave long ol rot bilong impruvim na divelopim pis fam long ol komyuniti.• Mekim profail long ol 71 pis bisnis grup, 19 liklik, namel sais entaprais, 8-pela pis kopretiv long luksave long ol hevi bilong fiseris na impruvim proses na maket.• Karimaut pis faming trening long ol 39 pis fama.• Luksave long 28 kain kain ikwipmen bilong fiseris we ol pis fama i nidim long sapotim ol. Antap long ol dispela risal, wok i go het yet bilong impruvim pis sekta. Planti trening i bai go het yet long ol taim i kam. EU-STREIT PNG i wok strong apim sastenabel ikonomik divelopmen long ol rurel eria long Is Sepik na Sandaun provins. Program i wok strong long impruvim kakao, vanila na pis veliu sein prodaksen we bai karim kaikai na impruvim bisnis envairomen long Sepik.