WANTAIM moa long 600, 000 memba, Nasfund i wari long helt na seifti bilong olgeta na i askim olgeta long bihainim ol stia bilong ol helt woka na World Health Organization (WHO).

Nasfund i askim ol memba husat i laik go long ol opis bilong ol long eksesim ol sevis long werim mask olgeta taim, mekim tempresa tes, wasim han wantaim han senitaisa na mekim bihainim sosol distensing.. Olgeta opis bilong Nasfund i putim ol han senitaisa we ol memba i ken yusim na tu i gat mak bilong 1.5 mita we ol memba i mas bihainim na sanap long we long wanpela narapela. Nasfund i askim ol kampani long yusim “Employer Online Portal” long ol kontribiuta apdeit bilong ol memba na ol memba i ken yusim tu long sekim ol balens bilong ol. Sif Ekseketiv Opisa bilong Nasfund, Ian Tarutia i tok Nasfund bai mentenim nomol operesin bilong em long givim gutpela sevis long ol kastoma.