MINISTA bilong Egrikalsa na Laipstok John Simon i launsim kakao projek bilong sios klostu long Kwikkila stesin long Sentral provins. Long taim bilong launsim Minista Simon igivim K20, 000 kes long statim neseri na fementesen long bilong kakao prot. Olpipeli bin welkamim Minista Simon na presentim pepa bilong ol long em na em i tokim ol pipel bilong Rigo olsem em bai lukluk long en na bai givim daireksen long Kakao Bod bilong Papua Niugini long helpim long dispela impoten projek. Men Boy Ministri mausman Saroa Keina bilong United Sios i welkamim Minista Simon na Dipatmen bilong em long mekim wok bilong kakao projek tasol em i no amamas long Kakao Bod opisol we ministai no amamas long en. “Long kam hia long lukim olsem i nogat wanpela neseri bilong kakao ol kakao bod i bin putim em i no gutpela tumas. “Olsem Minista mi pilim nogut long toktok long ol samting dipatmen i save mekim tasol dispela i soim olsem ol opisa bilong dipatmen i no save mekim wok,” em i tok. Em i tok olsem man husat i save sapotim egrikalsa mi laik kamapim wok egrikalsa sektai nsait long kantri long jeneretim ikonomik inkam. Kakao projek ol i kolim olsem Eden Manifesto long bringim man i kam insait long sios. Dispela projek i bilong helpim sios wantaim fainensol isu bilong ol. Samson Gairei bin statim dispela projek long taim emi  bin graduet long Vudal Yunivesiti long 2016 wantaim digri bilong egrikalsa. Emi bin stretim pinis faiv-yiadivelopmen plen na kamapim rot long hau bai dispela projek i wok. Long taim midia i toktok wantaim Gaire em i tok em i bin tingim hau egrikalsa i ken helpim ol pipel na komyuniti long kain projek olsem insait long sios. “Long taim mi greduet long 2016 na kam bek long ples long statim dispela projek long helpim ol komyuniti wantaim fainensol problem bilong ol. “Mi gro ap long siosna mi lukim planti taim sios i nogat fans long ranim ol program bilong en. Olsem na mi kam bek long ples long traim helpim sios wok long hia,” em i tok. Dispela projek bai helpim sios long ol program bilong en na ol i ken wok insait long seketna long jeneral asembli bilong United sios bilong Papua Niugini. i karimaut 21 komyuniti projek  makim mani inap long K550, 000.

Joseph Dawai i raitim