MINISTA bilong Maining, Johnson Tuke i bin tokaut olsem Wafi- Golpu Main em neks projek we gavman i lukluk long endosim bipo long taim bilong en i pinis.

Em i tok em hop long endosim na givim laisens SML long WafiGolpu main long pinis bilong dispela yia o stat bilong yia 2022. “Mi laik tok klia long ol pipel bilong Papua Niugini olsem dispela gavman i sanap strong na komitet long karimaut ol projek we bai benefitim kantri,” Mista Tuke i tok. Em askim Wafi-Golpu long rispektim ol lo na ol kot prosiding bikos rot bilong mekim dispela i kamap gut i wankain tasol wantaim ol narapela. 

Carolyne Ketsimur i raitim