BSP Financial Limiited (BSP) i bin tokaut las wik olsem em  i mekim mani bihain long takis mak long K449.3 milien long hap yia bilong 2021 (Stat long Janueri na pinis long Jun 30). Dispela em 17.6 pesen antap long mani em i mekim long wankain taim las yia we i bin K381.9 milien.

Long dispela hap yia, BSP i mekim K14.3 bilien long lending, K23.0 bilien long diposit, K182 milien long interim dividen na K5.7 bilien long maket kapitol bilong en. Antap long dispela, long dispela taim i kam inap nau, BSP i gat 116 brens na sab-brens na i kamap bikpela netwok long Pasifik. Long ol sponsa na donesen, BSP i yusim mani mak long K864 milien na em i gat 2.7 milien akaun bilong ol kastoma. Long wanpela mun BSP i mekim 15.7 trenseksen. BSP i mekim bikpela impruvmen moa long dispela yia bihain long 2020 i bin salensing yia wantaim hevi bilong COVID-19. BSP i save givim moa sevis long ol kastoma moa long ol BSP i tokaut long mani em i mekim long hap yia bilong 2021narapela benk long Pasifik. Dispela em bikos long gutpela maket distribiusen netwok bilong en. Dispela gutpela risal i kamap bihain long ol ristriksen bilong COVD19 i bin go daun liklik na tu long likwidi level long Papua Niugini na ol narapela brens we PNG i operet long en. Fiji tasol i no orait yet bikos Delta Variant i afektim ol ikonomik ektiviti long kantri. Mista Fleming i tok em i gat strongpela bilip olsem BSP bai mekim moa impruvmen long narapela hap bilong yia 2021 i go inap neks yia. Em i tok ikonomik gro bilong  BSP bai gro i go long 4.0 pesen long 2022 sapos ol ristriksen bilong boda i pinis. Long wankain taim, BSP i gat tupela nupela brens long Papua Niugini. Koroba Haibrid Brens long Hela Provins we i bin op long Julai 7, 2021 na Namatanai Brens long Niu Ailan we i bin op long Julai 28, 2021. Mista Fleming i bin tokaut tu olsem BSP bai bringim FLEXCUBE i kam long PNG long 2022. Em i wanpela nupela rot BSP i laik yusim long bringim sevis bilong em i go long narapela level na tu impruvim sevis bilong en.

Carolyne Ketsimur i raitim