LONG kamapim ol plen na fremwok long wok wantaim ol gol na stratejik objektiv bilong yumi em hatpela wok. Em i no isi, tasol dispela i ken kamap long pasin bilong wok bung wantaim ol patna.

Ekting Dairekta Jeneral bilong NARI, Warea Orapa i tok “Yumi nid long gat plen we i stap redi bai inapim laik bilong ol patna bilong yumi.” Mista Orapa i bin mekim dispela tok taim em i welkamim ol ki patna ejensi na ol senia wokmanmeri bilong NARI long olgeta rijinol senta we i bin kamap long NARI

Program plening na praiorataising woksap. Dispela woksap i bin kisim 8-pela de na i bin kamap long NARI Hetkwata long Bubia, Lae, Morobe Provins. Astingting bilong dispela woksap em long mekim awenes na andastenim ol sut tingting bilong ol program we i stap long nupela Strateji na Risal Fremwok (SRF) bilong NARI. Woksap i bin kamap long rot we ol patisipen i ken wanbel long ol namba wan tingting bilong NARI na karimaut ol dispela tingting long narapela 5-pela yia i kam.

“Dispela nupela SRF i givim kliapela rot long wok NARI i laik mekim, tasol NARI i no inap mekim dispela wok em yet, nogat. Mipela i singautim ol stekholda long helpim mipela long wokbung wantaim na rausim ol hevi we bai stopim ol wok bilong mipela,” Mista Orapa i tok. Em i askim ol stekholda long andastenim ol midium-tem objektiv, skop, autput na ol risos we NARI bai nidim long karimaut wok. Mista Orapa i mekim tok amamas bilong em long tim bilong

NARI long hatwok bilong ol long bungim wantaim dispela midiumtem plen long 3-pela mun i go pinis. Em i tok em gat strongpela bilip olsem taim dispela plen i redi em bai gaidim NARI long mekim ol program na ol intavensen we bai ol i diskasim long woksap. Ol patisipen i bin diskas long ol 15 intavensen we NARI i luksave pinis long en na putim i go long SRF bilong 2021 i go long 2030. Wantaim ol input bilong ol stekholda, tim bilong NARI i lukluk long redim dispela medium-tem plen long Ogas 2021.