BUSINESS Link Pacific na Centre for Excellence in Financial Inclusion (CEFI) i wokbung wantaim long painim ol rot bilong sapotim ol praivet sekta long gro insait long kantri.

Las wik ol i launsim nupela fainensal tul long PNG bilong painim na kisim infomesen long ol nupela SME fainensal prodak na sevis long kantri. Long dispela launsing ol stekholda bilong fainensal na MSME sekta long CEFI, MSME Kaunsel, SME Koperesen, BPNG, Semba bilong Komes na ol arapela benk na ol fainensal institiusen i bin kamap. Dispela nupela Fainens tul i stap onlain bilong ol SME long PNG. Em bai helpim ol bisnis long painim hap ol i ken kisim dinau long en. Em i givim ol kain kain fainensal sevis provaidas long SME bai ol i ken

skelim ol sevis bilong ol na eksesim dispela we inapim laik bilong ol. Yu ken eksesim dispela tul long dispela adres https://finance. businesslinkpacific.com o www. thecefi.org Ol benk i wok klostu wantaim dispela Fainens fainda tul bilong apdetim ol nupela infomesen bilong ol sevis na prodak bilong ol bisnis. Long dispela taim MiBank, Kina Bank, BSP Financial Group Limited People’s Micro Bank, Women’s Micro Bank, Kada Poroman Microfinance Limited na Credit Corporation Finance Limited i stat yusim pinis dispela tul long putim ol infomesen bilong ol long ol SME prodak. Dispela lista bai gro taim moa patna i joinim. Business Link Pacific i hop dispela nupela tul bai helpim planti SME long eksesim fainensal sevis bilong ol patna bank.