OL egrikalsa menesa, plena na ol pipel bilong wokim polisi i mas mekim wok painimaut long ripot bilong kopi indastri we PNG
Nesenel Risets Institut (NRI) i bin kamapim.

Long dispela NRI ripot i tok olsem kopi prodaksen mas i kamapim wanpela plen we i mas givim moa kompetisen long kopi insait
long Papua Niugini. PNG NRI Deputi Dairekta bilong Rises Profesa Eugene Ezebilo i givim plen bihainim dispela tingting we inap
inpruvim kofi prodaksen.
Kopi em i wanpela impoten egrikalsa komoditi prodak bilong gavman na ol fama.
“Maski, PNG i gat gutpela envairomen na weda kondisen bilong groim gutpela kopi i gat bikpela salens long luksave long ol
sampela nid bilong indastri na adresim,” Prof. Ezebilo i tok.
“Wok painimaut bilong NRI ripot bai helpim ol egrikalsa menesa, plena na pipel bilong wokim polisi long mekim gutpela disisen
long helpim ol fama i ken impruvim kopi prodaksen long kamap gut insait long wan wan provins long helpim ikonomi bilong
kantri.
“Ol dispela salens olsem nogat gutpela fesiliti bilong wok kopi, sevis na mani i save mekim prodaksen i go daun olgeta,” ripot i
tok.
Kopi prodaksen long PNG i ken impruvim indastri na promotim ol sevis bilong olgeta kofi groa olsem long senisim ol olpela kopi
diwai we i no gutpela long apim ikonomik prodaksen.
Narapela we long impruvim prodaksen em long givim liklik dinau interes reit i go long ol fama husat i laik kamapim bikpela kopi
fam na promotim nupela prodaksen bihain nupela ol teknik.
Joseph Dawai i raitim