Carolyne Ketsimur i raitim RH Hypermarket i save komitet long givim gutpela prodak long ol kastoma
long Pot Mosbi na Lae stat long 1992.

Nau RH Hypermarket i go moa yet long givim ol kastoma onlain
soping na peimen sevis. RH Hypermarket em i namba wan stoa long yusim BSP Pay onlain. Dispela em i
domestik onlain peimen sevis we i isi na kwiktaim. Ol kastoma i ken baim samting wantaim bank akaun
na i no yusim bank kat. Em i luksave long impotens bilong ol kastoma na givim BSP Pay sevis bilong
mekim isi wok bilong baim samting. Dispela onlain peimen i no nidim BSP kat long baim samting. Na
moa
long 1.2 milien kastoma i gat akaun long BSP i ken yusim dispela sevis long baim samting onlain. “Long
RH Hypermarket, mipela i andastenim ol kastoma bilong mipela. Mipela i sanap strong long givim ol long
kwaliti prodak na sevis we ol i ken baim na isi long kisim. RH i amamas long opim BSP Pay sevis long
websait bilong mipela. Dispela i givim moa veliu long onlain soping sevis bilong mipela. Ol kastoma i ken
go long websait www.rhtradingpng.com, mekim akaun na painim samting ol i laikim na baim. Yu ken
kisim yet long stoa o yu makim rot u laikim bai prodak bilong yu i kam long yu,” Jenerel Menesa bilong
RH Hypermarket, William Ling i tok.