AUSTRALIA Minista bilong Intenesenel Divelopmen na Pasifik Seneta Zed Seselja,

PNG Deputi Praim Minista Sam Basil na Minista bilong Woks Michael Nali i launsim Projek Redi Grent
bilongTrens-Nesenel Haiwe. Australia i givim K26 milien long Projek Redi Grent we em i namba wan wok
bilong konektim ikonomik Infrastraksa Divelopmen Program bilong PNG. Dispela bai karamapim fisibiliti
stadi, ditel disain na kos plening na prokiumen sapot bilong redi plen bilong Trens-Nesenel Haiwe.
Australia na PNG i laik kamapim strongpela wok ikonomik insait long kantri. “Australia investmen tude i
sapotim wok mak long kamapim moa wok indastri olsem konstraksen na bilong konektim ol bisnis na ol
kastoma namel long tupela bikpela pots,” Minista Seselja i tok. “Trens-Nesenel Haiwe em i namba wan
praioriti aninit long PNG konek PNG ikonomik Insfrastraksa Divelopmen Program 2020-2024.
TrensNesenel Haiwe bai opim rot bilong len trenspot long trevol dairek i go i kam namel long Pot Mosbi,
Lae na Hailens na Momase ikonomik rijon,” Deputi PM Basil i tok. “Mipela welkamim ol patna bilong
mipela wantaim Australia long sapotim namba wan len koneksen namel long tupela bikpela siti Pot
Mosbi na Lae. Dispela rot apgreding bai katim taim na kos bilong trevol na i ken impruvim transpot sefti.
“Mipela laik apim
ikonomi long ol nupela hap taim nupela rot i pinis,” Minista Nali i tok. Australia i wok long invest long
infrastraksa bilong PNG olsem ol rot, pawa, telekomyunikesen, ol eapot na sipot, wara na helt na
edukesen fesiliti insait long kantri.
Joseph Dawai i raitim