Insait long wok bilong European Union Funded Program for Support to Rural Enterpreneurship,

Investment and Trade long Papua Niugini (EUSTREIT PNG), Food and Agriculture Organisation (FAO)
bilong United Nations i patna wantaim Faundesen bilong ol meri long egrikalsa divelopmen (FORWIAD)
long sapotim na strongim kepesiti namel long ol lokal meri na yut grup long Wosera na Maprik distrik
long Is Sepik Provins. Ol i kisim trening, input, skil na save bilong stretim ol kakao blok bilong ol na long
wankain taim planim ol nupela kakao blok na impruvim kaltivesen long Sepik rijon. Hevi bilong nogat
fomal wok long ol rurel eria long Is Sepik Provins i mekim na planti meri na yut i lusim hop long stap long
ol komyuniti bilong ol na go long ol taun long painim wok. Taim dispela i kamap, ples i lusim strong na
pawa bilong em.
Long wankain taim ol dispela meri husat i stap bek long ples i save go insait long pasin bilong simukim
mariwana na dring bia na dispela i save givim ol planti hevi. Olgeta dispela pasin em jeneresen bilong
tude i wok long mekim na i kontribiut i go antap long ol hevi we i stap long taim yet. Long daunim
dispela salens, FAO aninit long EUSTREIT PNG i wok wantaim FORWIAD long kamapim sastenabol agro
bisnis opotuniti bilong ol meri na yut long ol rurel eria bai ol i ken impruvim sindaun na laip bilong ol
wantaim prodaksen bilong klon kakao na kepesiti divelopmen.
KLON SID KAKAO BILONG OL MERI NA YUT
FOWIAD i bin kamapim ol 23 klasta grup we i gat 696 fama long karimaut wok bilong mentasip,
supavisen, sevis na input. Long wok i mas kamap gut, ol i bin karimaut beislain sevei we i bin kamapim
databes bilong ol fama. Ol i bin lukluk long ol kakao blok bilong taim bipo na eria we ol fama i ken planim
ol nupela kako blok. Moa yet ol 23 lida bilong ol klasta i bin kisim trening bilong monitaring, ivaluesen na
ripoting.
OL FAMA I KISIM TRENING BILONG LO-KOST TEKNIK
Long strongim kepesiti bilong ol fama, EU-STREIT PNG i sapotim FOWIAD long kamap 5-pela ples bilong
fil trening na 6-pela bad rutstok neseri model. Sikispela trening i bin kamap na long save long kain kain
lo-kost bading. Ol kisim 10-pela ekspiriens trena na 400 set bading tuls ol i skelim long ol fama. Long
stopim ol binatang long bagarapim kakao, ol fama i kisim 34800 kakao we pod bora i no inap bagarapim.
Bihain long asesmen we FAO i mekim, FOWIAD i setim 9-pela nupela demonstresen kakao blok sait. Tok
tenkyu long EU-Fandet program, ol fama i kisim ol pruning so, sises bilong prunim kakao na bad stik.
Wantaim sapot bilong EU
STREIT PNG, FORWIAD i stretim 5-pela trening long gutpela rot bilong kaltivetim kakao. Na tu i givim
sans long 695 kakao fama long save long blok laining, rihabilitesen, kain kain klon kakao, maltikroping,
intakroping. Ol i bin yusim 9-pela blok long mekim demonstresen. Dispela wokbung wantaim i strongim
skil, save na netwok namel long ol fama. Em i pusim ol fama long redim ol yet long kisim ol sevis, na

Rurel Nius ISSUE
2444
helpim ol fama long mekim blok demostresen. Nau ol fama i wok wantaim na sapotim wanpela na
narapela long ol blok bilong ol. Dispela save na skil ol hetfama i kisim ol i lainim ol famili memba bilong
ol tu. Na ol arapela wod memba i kisim tok long wokbung wantaim EU-STREIT PNG Program.