OL wokmanmeri long Simberi i joinim ol arapela wokmanmeri bilong ol main long PNG long stopim COVID-19 long bagarapim indastri bilong kantri.

Moa long 150 wokmanmeri i pulim ol han bilong set bilong ol i go antap na kisim namba wan sut na sampela em namba tu sut bilong AstraZenecca veksin. Insait long dispela 150 wokmanmeri, sampela em ol kontrakta, wokmanmeri bilong narapela kantri, planti ol Australia we i wok long main long Tabar Ailan long Nu Ailain provins.

Bikpela na strongpela awenes program i sapotim dispela kempein we i sapotim tu gavman bilong PNG long singaut long ol sitisen long lukautim ol yet long delta virus.

“Mi wankain tasol olsem ol narapela pipel long PNG we i ridim planti toktok long sosol midia we i tok kain kain long COVID-19 veksin. Tasol mi kisim yet veksin bikos em wok bilong mi long lukautim ol wanwok na famili bilong mi. Moa yet, mi poret long wanem samting Delta virus i ken mekim long ol pipel bilong PNG,” Human Risos Suprinteden, Norbert Sale i tok.

St Barbara Simberi Operesen i kisim planti hevi bikos long Pandemik wantaim tasol olsem ol arapela maining sait. Na wok bilong em long go het long komitim em yet long gutpela stap bilong ol wokmanmeri na komyuniti long ol protokol na Nupela Pasin.

Carolyne Ketsimur i raitim