TAIM Erwin Jungen i bin wok long Maunt Hagen beis olsem kesuel trefik opisa, em i bin gat sans long go wantaim wanpela tim long karimaut wanpela wok painimaut bilong ol liklik ples balus.

Erwin i bin go skul long MAF Mareeba Trening Senta long Australia olsem pailat aninit long PNG pailat trening skim. Ol ristriksen bilong Pendamik i bin pasim em long go bek long skul long dispela yia. Nau em i wok wantaim MAF long wetim taim bilong em long go bek long skul na long wankain tu em i wok long kisim planti ekspirens long operesen bilong MAF ministri.

Long sampela de i go pinis, mi bin kisim tok orait long joinim ol risetsa bilong MAF tim na Rural Airstrip Agency (RAA) long mekim wok painimaut bilong ol liklik ples balus we i pas tude.

Em i gutpela ekspirens wantaim planti salens tasol gutpela skul. Mi kisim skul long yusim redio na stori bihain long ol dispela liklik ples  balus we mipela i wok long mekim wok painimaut long en. Sampela bilong ol liklik ples balus ol i bin mekim long 1960 na i kisim 16 yia long pinisim.

Mi kisim skul long yusim teknoloji, long mesarim ol liklik ples balus na mekim awenes bilong ol samting nogut we i ken kamap long ol dispela lokesen. Dispela em gutpela sans bilong mi long lainim planti gutpela samting.

Ol ekspirens

Mi lainim planti gutpela samting long helpim mi andastenim wok bilong mi. Tasol bikpela samting em ekspirens mi kisim long dispela taim bilong mekim wok painimaut long ol liklik ples balus. Kliaim ol kau long ranwe long strongpela hot long Mamusi we 13 digri stip na 350 mita longpela ranwe long Mengamenau. Mi amamas long lukim hau MAF i save wok wantaim ol rurel komyuniti long bringim sevis i go long ol.

Dispela em bikpela astingting tru. Ino bikos long mani o long amamas bilong flaim balus long ol dispela naispela rimot eria. Bikpela astingting em long givim sevis long ol pipel long kantri. Long helpim ol long ikonomik na fainensal hevi bilong ol na long givim ol medikal helpim.

Long bungim ol dispela komyuniti em bikpela samting tru long mi. Mi lainim ol bipo stori bilong ol na tokples bilong ol Ino gat samting i ken senisim dispela ekspirens.