“Astingting bilong BSP Fainensal Litresi Program em long skulim ol pipel long rurel eria long impotens bilong sevim na basetim mani,”

Brens Menesa bilong Aitape. Mathew Danti i bin mekim dispela toktok long givim tok amamas bilong em long ol 1, 300 patisipen bilong BSP Fainensal Litresi Trening (FLT) long Aitape long dispela yia.

Fainensal Litresi em skul bilong kisim save long hau mani i wok. Dispela skul i nidim sampela skil na save bilong mekim fainensal disisen. Ol pipel long rurel eria i gat bikpela nid long kisim skul bilong menesim mani bai ol i ken save gut long sevim mani na inves long ol liklik bisnis bilong ol.

BSP olsem bikpela fainensal institiusen long kantri i wok long mekim bikpela wok long go aut long ol komyuniti na givim ol besik Fainensal Litresi Trening bilong skulim ol lokal pipel long menesim mani bilong ol.

Las wik Bsp Aitape Brens trening opisa Stanley Seimoni i bin mekim wanpela de trening long 78 sios memba bilong Revival Senta sios llong Waunini ples. Ol 43 bilong ol dispela patisipen e mol yut.

Richard Kaipiai, wanpela yut i tok “Mi amamas long BSP long givim dispela impoten trening. Bihain long dispela trening, mi bai sanap strong long menesim liklik mani bilong mi yet. Nau mi ken andastenim hau ol sevis na prodak bilong BSP i ken helpim yumi ol lokal pipel. Tenkyu tru BSP.”

Ol dispela patisipen i bin kisim toktok long ol prodak na sevis bilong BSP.

Carolyne Ketsimur i raitim