WANPELA stretajik pos bilong IRC long go het wantaim wok bilong en i go long 2025 em dijital trensfomesen. Long dispela yia IRC i konektim planti provinsal senta wantaim besik ICT infrastraksa na intenet.

Wantaim dispela IRC i wok long lonsim ol nupela prodak bilong monitarim pefomens, impruvim prodaktiviti na givim isi ekses long ol takis peia na pablik.

IRC i lonsim pinis tripela dijital tul bilong monitarim wok bilong en. Ol dispela tul em Could-Based Writing tool, Productivity Monitoring Software na Vehicle tracking system na bai gat moa yet bai kam.

• Could-Based Writing tool- Bikos pasin bilong serim infomesen i go i kam wantaim ol stekholda em impoten. IRC i traim long impruvim rot bilong komyunikesen yusim Inglis. Olsem na ogenaisesen i putim dispela aplikesen long helpim ol long raitim ol pas na email.
• Productivity Monitoring Software - Wanpela bikpela salens we IRC i lukim long ol yia i go pinis em hevi bilong ol wokmanmeri we i no save mekim gut wok bilong ol. Bikos IRC i gat ol brens bilong en long ol arapela provins, het opis i save painim hat long monitarim olgeta wokmanmeri. Olsem na IRC i putim dispela softwe bilong monitarim olgeta woklain.
• Vehicle tracking system- Planti taim ol woklain i no save yusim gut ol kar bilong gavman. IRC nau i putim GPS Treka long olgeta kar bilong ol bilong monitarim ol muvmen bilong ol kar na ol woklain.

Inap long 2025 IRC i laik kamapim wanpela gutpela, stretpela na strongpela takis ediministresen. Dispela i min olsem ogenaisesen i laik senis na kamap dijital we wok bilong en i ken kamap gut na bringim senis insait long kantri.

Mista Koim i tok teknoloji i save givim ol gutpela tul bilong yusim long kisim senis we kantri bilong yumi i laikim.

Carolyne Ketsimur i raitim