POT MOSBI Saut Ilektoret i wokbung wantaim Atonomus Rijon ov Bogenvil (AROB) long kisim ol beg buai i kam long Bogenvil na salim long Kaugere maket.

Dispela wokbung bai givim sans long ol pipel bilong Bogenvil husat i stap long Mosbi long mekim mani. Na wankain taim tu bai i helpim ol buai fama long Bogenvil.

Memba bilong Mosbi Saut Ilektoret, Justin Tkatchenko wantaim Memba bilong AROB, Peter Tsiamalili i bin opim dispela patnasip program long Kaugere maket.