LAS wik Papua Niugini i opim nupela projek bilong divelopim Nesenel Inklusiv Grin Fainensal polisi bilong Bank of Papua New Guinea (BPNG).

Dispela i bilong strongim fainensal inklusiv na stiaim invesmen bilong ol pablik na praivet sekta divelopmen.

Asisten Gavana bilong BPNG, Ellison Pidik i makim Gavana bilong BPNG, Loi Bakani, wantaim Ekting Hai Komisina bilong Nu Silan long PNG, Dokta Nathan Ross, Eksektiv Dairekta bilong CEFI, Saliya Ranasinge na Deputi Dairekta Embeseda bilong GGGI, Jenny Kim, i bin bung wantaim na go pas long opim dispela projek.

Inklusiv Grin Fainens em nupela polisi we ol arapela kantri i wok long stat yusim long kamapim ol polisi, regulesen na ol Nesenel strateji bilong banisim ol hevi bilong envairomen, helt, sosel na ikonomik bikos long senis bilong klaimet.

Dispela projek bai wok wantaim ol gol na praioriti bilong PNG na long wankain taim bai i givim ripot long grin fainens i wok olsem wanem long PNG.

Asisten Gavana Ellison Pidik i tok “Yumi save olsem ol hevi bilong fainensal eksklusen na senis bilong klaimet i save pasim rot bilong fainensal stebiliti. Olsem na mipela i luksave olsem Inklusen Grin Fainens (IGF) em ki bilong inklusen.

Ekting Hai Komisina bilong Nu Silan long PNG i tok Inklusiv Grin Fainens Polisi em i impoten long ol bisnis long kontribiut i go long lo-emisen na klaimet resilien divelopmen.

“Yumi hop olsem dispela projek bai stap olsem strongpela faundesen namel long Nu Silan, MFAT, BPNG, CEFI na GGGI long taim ol i wok wantaim sampela hevi bilong senis bilong klaimet,” Embaseda Jenny Kim i tok.

Ol i sainim MOU long taim ol i opim dispela projek ol i kolim, “Low-emissions Climate Resilient Development Program (LECRDP).