PAPINDO Stoa long Wewak i bin givim 15 beil rais na20 bai wan long ol pipel bilong Kadowar husat is tap yet long Dandan Kea Senta long Turubu. Is Sepik Provinsal gavman i bin putim ol long dispela kea senta bihain long maunten paia long ailan i bin pairap.

Presiden bilong Wewak na Suten Ailan, Robert Jaki Tabel i makim ol pipel bilong Kadowar na em i tok tenkyu long Papindo.

Menesa bilong Papaindo long Wewak, i tok :kampani i gat bikpela luksave long pipel bikos em ol kastoma na kain olsem long Sepik mipela i gat 4-pela stua olgeta, Tupela i stap long Wewak na tupela long Maprik.

Olsem na kampani i gat luksave long ol kain komyuniti obligesen program we ol i mas givim bek long ol pipel tu, na balensim bisnis, Austine i tok.

Long wankain taim, Sorotopomist International Grup we i long Wewak bai wokim raun bilong ol i go long dispela Kea Senta long givim helpim na marasin.

Dr Grace Raire opisa i makim Sorotopomist Wewak sapta i tok, wokabaut bilong ol bai i go long sekim ol pikinini, bel mama na ol lain husat i painim sik bikos i no gat gutpela kaikai. Dispela helpim bilong Papindo STOA Wewak bai helpim ol long givim ol kaikai i go long ol manmeri bilong Kadowar Ailan manmeri husat i stap nau long Dandan.

Ol bikmanmeri husat long Wewak husat i witnesim dispela presentsen long Wewak em ESPHA tim, Dr Jimmy Kampo, Ekting CEO, Cletus Yate Bonn Dairekta Pablik Helt, Wod Memba Kadowar, Foma Wewak Ailan Presiden Toby Samek na presiden  yet Robert Jaki Tabel.