LAS wik BSP Fainensal Grup i bin tokaut long nupela logo na taglain bilong em. Nupela logo bilong BSP i gat kala blek na wait. Na long wankain taim, taglain bilong BSP i senis long “We are You. We are BSP” i go long “Our Bank. Our people.”

Sif Ekseketiv Opisa bilong BSP Fainensal Grup, Robin Fleming i tok Benk i mekim bikpela senis long ol yia i go pinis i kam inap nau. Em i tok BSP i tokaut long nupela bren bilong en long rait taim.

“Hia long BSP, mipela i lukluk long konek gut wantaim ol kastoma bilong mipela na andastenim ol nid bilong ol. Nupela taglain, “Our Bank. Our People” i soim komitmen bilong mipela i go long ol komyuniti mipela i sevim,” Mista Fleming i tok.

Carolyne Ketsimur i raitim