NESENEL Dipatmen bilong Egrikalsa na Laipstok (NDAL) wantaim Fud na Egrikalsa Ogenaisesen (FAO)
bilong United Nations (UN),

na Dipatmen bilong Foren Afeas na Intenesenel Tred i bin karimaut
namba wan sab-nesenel Food System Summit Dialogue (FSSD) bilong Hailans rijon, Morobe na
Madang Provins long Fonde 13, Me.
Dispela FSSD em bikpela iven i save kamap long olgeta hap long wol we UN i bin statim bikos long
hevi bilong fud sekyuriti i wok long go bikpela.
Astingting bilong FSSD em long bringim olgeta stekholda grup long painimaut na toktok long ol rot
bilong kamapim gut fud sekyuriti we bai kontribut i go long Sastenebal Divelopmen Gol (SDG) bilong
2030.
NDA i makim Regina Nukundji olsem fokal poin bilong dipatmen long lukautim dispela wok.
Kukundji i toktok strong long impotens bilong Fud Sekyuriti bikos em bai helpim ol pipel long lukluk
na skelim gut fud sistem bilong tude na kamapim ol nupela rot bilong mekim em i kamap gutpela
moa.
Dispela namba wan sab-nesenel FSSD long Lae i pulim ol patisipen i kam long egrikalsa sekta, helt,
bisnis sekta, praivet sekta na ol i lain i mekim bisnis long egrikalsa. Singaut bilong kamap long dispela
iven i bin go tu long olgeta gavman dipatmen, divelopmen patna, NGO, praivet sekta na ol sista
ejensi bilong UN.
Iven i bin kamap gut na olgeta patisipen i bin wokbung gut wantaim long givim ol tingting bilong ol.
Insait long ol toktok bilong dispela isiu, ol i involvim ol meri na yut tu long patisipet long givim
tingting bilong ol long adresim fud sekyuriti long PNG.
Maria Linimbi, Presiden bilong Nesenel Wimen in Egrikalsa and Fiseris (WiAFF) i toktok strong long
impotens bilong wokbung wantaim ol meri na yut long mekim disisen.
Bai i gat tupela moa sab-nesenel FSSD we bai kamap long Pot Mosbi. Dispela bai kamap long 29-30
Jun, 20201.
Carolyne Ketsimur i raitim