FOOD and Agriculture Organization (FAO) bilong United Nations (UN) wantaim Nesenel Egrikalsa
Kwarentin Inspeksen Atoriti na PHAMA

Plus i bin ranim trening bilong Stok Inspeksen long Mendi,
Sauten Hailans provins.
Dispela trening FAO i bin karimaut olsem hap bilong kepesiti bilding long pait agensim African Swine
Fever (ASF).
Em i wanpela yia nau bihain long ASF i bin kamap long Mendi. Na long dispela taim, 5-pela arapela
provins tu i kisim dispela sik.
Astingting bilong kisim trening bilong Stok Inspekta em bilong ol laipstok opisa bilong ol provins na
distrik i ken save gut long wok na responsibiliti bilong ol long kontrolim dispela sik bilong ol pik.
Long taim bilong trening, nupela Provinsal Edministreta, Jerry David Sonk i tok tenkyu long FAO
wantaim ol patna olsem NAQIA na PHAMA Plus long dispela trening long Sauten Hailans. Em toktok
strong long bikpela nid na wok bilong patnasip long strongim kepesiti bilding long ol sik olsem ASF na
Fall Army Worm (FAW).
Nesenel Teknikel Edvaisa bilong FAO, Paula Pupune i tok amamas long ol patisipen long kisim dispela
trening.
“FAO bai go het long sapotim kepesiti bilding bilong ol patna na fama long pait agensim ASF bikos
dispela sik i wok long bagarapim sindaun bilong ol pipel taim em i afektim ol pik,” Mis Paula i tok.