SIF Ekseketiv Opisa bilong Benk bilong Saut Pasifik (BSP) i bin tokaut las wik olsem BSP i mekim K806
milien winmani long yia 2020. Dispela winmani i pundaun long 9.5 pesen long winmani bilong 2019
we i bin K890 milien.

Mista Fleming i tok dispela liklik pundaun i bin kamap bikos long hevi bilong COVID-19. Tasol BSP i
amamas olsem em i mekim gutpela mani maski long salens bilong COVID-19.
Long namba wan kwata bilong 2021, BSP i mekim K203 milien winmani. Na i lukluk long mekim
bikpela impruvmen long pinis bilong dispela yia.
Long wankain taim tu Mista Fleming na Kostas Constantinou i tokaut olsem BSP i lukluk long groim
benk i go long ol narapela kantri.
BSP tu nau i stap long lista bilong Australian Securities Exchange (ASX). ASX i bin tok orait long
eplikesen bilong BSP long joinim ASX long Tunde, 25, 2021.
Siaman bilong BSP Bod, Mista Kostas i tok dispela bikpela divelopmen bai givim sans long ol nupela
BSP stekholda long inves long PNG. Em i tok wantaim dispela lista, BSP bai gat moa mani bilong
impruvim kastoma sevis bilong em.
Carolyne Ketsimur i raitim