KLOSTU 11-pela ples insait long Wewak Lokol inlen LLG , Wewak Distrik na Urimo eria  Sepik plein Yangoru- Sausia Distrik bai nau i gat sans long kisim Digicel netwok na yusim mobail fon.

J.Coms Tawa Kampani i sanapim wanpela  45 mita tawa long Passam.

Fil Supavaisa na man i go pas Simon Kilabar bilong J.Coms tawa kampani i tok wok bai klostu pinis bihain long tripela  mun.  Bikpela hap bilong wok em bilong digim na wokim bresing na lata. Dispela wok em i stat nau.

Mista Kilabar i tok; kampani J, Coms i wokim pinis long Mundomundo ples long Sepik plein Angoram Distrik na ol i stat yusim pinis.

Mista Kilabar i tok i bin gat bikpela dilei long sip long kisim ol metirel kam bikos long COVID-19. Em i tok tenkyu tu long helpim na sapot bilong ol pipel long ples long sanap wok strong na pinisim wok.

Mista Kilabar i wokim singaut askim long olgeta pipel bilong Wewak Lokol na Sepik husat i yusim haiwe‘’ long lukautim gut sevis we i stap long en. Dispela pasin em bai soim olsem pipel laikim sevis, na J Coms olsem wanpela Nesenel kampani bilong yumi ol Papua Niugini yet i gat bikpela amamas long pasin bilong wok bu ng ol pipel i soim long dispela tripela mun taim ol I kam stap na wok ’’.

Jonathan Poema i raitim