OL manmeri husat i bin pinisim fainensel (mani) trening long Buka long Atonomus Rijon bilong Bogenvil nau i ken isi long kisim dinau mani long ol benk, wanpela lida i tok.

Joe Elizah, Vais Presiden bilong Bogenvil Bisnis Asosiesen na liklik i go long namel sais (SME) Trening Program kodineta i tok rot bilong kisim dinau mani long ol benk nau bai isi long ol lain husat i bin kamap long trening.

Inap long 400 manmeri i bin kamap long trening long Buka long las mun.

Em i tok ol benk i bin tok kain trening bai wanpela laik ol bai laik save taim ol i givim helpim i go long ol manmeri.

Em i tok sapos yu no go long trening, dispela bai hat long yu kisim dinau mani long ol.

Nesenel Gavman i bin givim K100 milien long BSP (Benk Saut Pasifik) na narapela K100 milien long Nesenel Divelopment Benk long strongim ol SME.

Elizah i tok ol benk i wok long painim hevi long kisim benk dinau mani bilong ol bikos planti manmeri i no gat save long menesim o lukautim mani.

Ol i bilip olsem wantaim kain save, ol i ken kisim ol dinau.

Wantaim kain setifiket, em bai hat long yu paulim setifiket bilong narapela na i laik yusim long kisim dinau.

Bihain long Buka, tim bai go long Saut Bogenvill na givim wankain skul.

Elizah i tok ol i lukluk long givim skul long moa long 10,000 manmeri.

Patrick Nisira, Minista bilong Ikonomik Divelopmen long Atonomus Bogenvil Gavman na Robert Hamal Sawa, Minista bilong Lens, Fisikel Plening na Eneji i bin kamap long dispela greduesen tu.

Alex Munme i raitim