KOKODAK Initiative Teknikal Woking Grup (TWG) i mekim ol wok long daunim kamap bilong sik coronavirus (COVID-19) Kokoda Track rijon.

Kokoda Initiative aninit long Kokoda Track Atoriti (KTA) i tokaut long dispela long namba wan kwata niusleta bilong em long dispela yia.

TWG i givim luksave long Australia Gavman long sapot bilong mani i go long KTA long taim bilong coronavirus (COVID-19) pandemik long lukim olsem KTA i skruim yet ol wok bilong em.

Dispela wok em Kokoda Initiative i tokaut em long namba wan kibung bilong em TWG i holim namba wan stratejik kibung bilong em long stat bilong 2021.

Kibung i kamap tu long skelim ol wok i bin kamap long 2020 na lukluk long ol plen bilong 2021 we i bihainim tripela bikpela as toktok em Pipel, Trek na Envairomen.

Ol i toktok i kamap tu long divelopmen i go long strongim Kokoda Track Menesmen Atoriti aninit long lo we ol i wok long raitim, long ol bung ol papagraun (LO) i save holim na nupela KTA Ranger Capacity Development Project.

Ol patisipen i toktok tu long ol arapela wok olsem stretim Kokoda Track Tourism Masta Plen 2021 bilong KTA we i go wantaim nupela Nesenel Tourism Masta Plen 2021-2025 bilong TPA na strongim na promotim lokal turis long wokabaut long Track.

Ol arapela wok ol i toktok long ol tu em wok sekim bilong Konsevetiv na Envairomen Proteksen Atoriti (CEPA) na ol ples arere long Track long Gazettal Interim Protection Zone na Protected Area Management Plen, spesel ples bilong Militeri (ami) Herites na strongim ol komyuniti musium long track na Provinsal Edministresen divelopmen plen.

Ol i toktok tu nupela disain bilong Kokoda Initiative Patnasip program em Australia Hai Komisin na Dipatmen bilong Foren Afeas na Treid i sapotim.

Dispela kibung i kamap namel long ol mauswman bilong TWG na ol patna ejensi bilong KI olsem Kokoda Track Atoriti (KTA), Konsevesen na Envairomen Proteksen Atoriti (CEPA), Turisim Promosen Atoriti (TPA), Nesenel Musium na At Galeri (NMAG), Sentral Provinsal Gavman, Oro Provinsal Gavman, Dipatmen bilong Provinsal na Lokal Level Gavman Afeas (DPLGA) na Australia Hai Komisen aninit long Abt Kokoda Initiative Patnasip we i save givim seketeriet sevis.

Kibung i toktok long ol mak na ol gutpela samting em ol projek bilong nau i kamapim, we luksave i go long ol gutpela wok em wan wan ol patna ejensi bai kamapim.

TWG i kamapim dispela kibung olsem ol mausman bilong PNG Gavman na Australia insait long Kokoda Initiative i ken karimaut gut wok bilong kodinesen, menesim gut ol risos na wok bung wantaim aninit long Kokoda Initiative na kamapim ol gutpela mak bilong strongim Track, Pipel na Envairomen.