Ok Tedi Divelopmen Faundesen i bin opim Faivpela yia Stretejik Bisnis Plen bilong 2021-2025 bihainim taget na visen bilong Komyuniti Main Continuous Agrimen (CMCA)long las wik.

Dispela bikpela plen bai go lain wantaim OTDF visen long empawarim komyuniti asosiet eniti long Westen Provins long stap ol yet inap 2025.

Long ripot bilong Ekseketiv Stadi na Plening bilong las 12 mun wantaim ol ki stekholda i bin givim OTDF wantaim gutpela andastending bilong nau ol divelopmen nid long wok bung wantaim ol gutpela stekholda na daunim hevi bilong lo na oda long komyuniti.

Namel long dispela em ikonomi, inkam jeneresen, edukesen, wara na kaikai sekyuriti o agri bisnis.

CEO bilong OTDF Havini Vira i tokaut klia olsem, “Mipela i bin pinisim ol graun wok bilong mipela na save long wanem posisen nau mipela i stap olsem na mipela i redim ol taget na luk fowat long kisim insait long neks faivpela yia.”

Em i tok dispela plen i bin bungim olgeta na nau i salensim ol long wokim dispela plen i mas karim kaikai.

Bod Siaman bilong OTDF Musje Werror i tok dispela bikpela plen bai nidim moa komitmen, taim na strong long wokim dispela kamap olsem na ol i gat bilip bai ol mekim kamap.

OTDF i bin stat operet long 2001 olsem non-profit-ogenaisesen, sevim ol CMCA komyuniti long Westen Provins.

Jacklyn Kimala i raitim