LONG luksave long wok bilong digital komes long rijon, BSP Fainensel Grup Limited (BSP) i opim nupela rot bilong baim samting onlain, ol i kolim “BSP PAY”.

Long taim bilong lonsing, BSP Dijitol Jenerel Menesa, Nuni Kulu i tok “BSP Pay i givim ol bisnis grup na wan wan kastoma veliu bilong yusim dijitol benking.”

Em i tok long yusim “BSP PAY”, ol kastoma i nidim BSP ID (Kastoma Aidentifikesin Fail Namba) na mobail namba i rejista. Ol kastoma i no nidim BSP kat.

Dispela em namba wan taim kain sevis olsem i kamap long Papua Niugini na Pasifik.

Misis Kulu i tok namba bilong ol kastoma husat i wok long yusim digital benking em i go bikpela olsem na BSP i mekim hap bilong em long givim gutpela onlain sevis long ol kastoma.

BSP i traim long wok wantaim ol nupela divelopmen bilong teknoloji na kamap wantaim ol dijitol peimen we i gutpela bilong kamapim gutpela na bikpela maket.

Wanpela SME kastoma bilong BSP na mama bilong Tapioca Delight, Ginia Sialis i tok em i amamas tru long dispela sevis bilong BSP.

“Mipela i save wok hat long mekim isi rot long ol kastoma bilong mipela long baim ol prodak na sevis bilong mipela. Wantaim dispela sevis bilong BSP, wok bilong mipela bai kamap isi na mani bai flo gut na groim ol bisnis insait long kantri,” Ginia i tok.

Ol SME na ol bisnis haus i gat intres long “BSP PAY” sevis i ken ringim BSP senta long telepon namba 3201212/ 70301212, email This email address is being protected from spambots. You need JavaScript enabled to view it.

Carolyne Ketsimur i raitim