BISMARK MARITIME em i kampani we i save opretim sevis bilong ol sip insait long kantri na i lukautim ol sip bilong Maersk Line na ANL long PNG.

Kampani i wok long kisim planti kastoma nau olsem na i  opim nupela opis.

Las wik Pater Geovanne Bustos SVD, i blesim na opim dispela nupela opis bilong Bismark Maritime long Madang.

Bikos kampani i wok long gro i go bikpela ol i surukim opis i go long we bipo Carpenter Hardware i stap namel long Madang taun.

Menesing Dairekta bilong Bismark Maritime, Harmish Sharp wantaim Ekseketiv Opisa, Jamie Sharp i bin wok long helpim gavman long karim ol besik nid bilong ol pipel long taim bilong COVID-19.

Las yia, kampani i kisim sabsidi long gavman long karim ol gaden kaikai long olgeta hap long PNG na tu i karim ol medikol saplai wantaim nogat sas na bringim long olgeta  bris insait long PNG.

Brens Menesa, Aris Carlos i tok dispela muv i go long nupela opis bai inapim laik bilong ol kastoma we i wok long gro olgeta de.