LONG moning bilong Holi Fonde, 1 Epril, 2021 long Holi Wik, bipo long pailot Corne Noordhoek i statim de bilong wok, em i no save olsem planti wok bai kamap long em i mekim.

Dispela kain sindaun i kamap tru taim em i kisim wanpela redio singaut long belo taim olsem i gat wanpela imejensi ran bilong balus em i mas mekim i go long Yambaitok, long Kompiam long Enga provins.

Em i kisim toksave long redio olsem i gat wanpela man husat krismas bilong em i stap namel long ol 20s na em i sik nogut tru na ol i no save long wanem samting ol bai mekim.

Bihainim dispela toksave, pailot Noordhoek i go long Mt Hagen (Westen Hailans) long stretim balus bilong em na namel long dispela ran bai i mas go long Yambaitok.

Taim em i ran i go bek long Kompiam, em i go long Yambaitok na kisim dispela man.

Wantaim dispela man, pailot Noordoek i go long Yenkisa long kisim Dokta David Mills.

Dokta Mills i wok aninit long Missionary Aviation Fellowship (MAF) misin grup.

Long Yenkisa, Dokta Mills i bin stap na wok wanpela de olgeta bihain long pailot i lusim em na tim bilong em long Trinde.

Long Yenkisa Dokta Mills wantaim tim bilong em i bin lukim 63 sik manmeri na 32 manmeri husat i bin gat sik long tit bilong ol. Long apinun bilong Trinde, em i bin soim muvi bilong Jisas long em.

Bihain long dispela, pailot Noordoek i kisim Dokta Mills na go long Kompiam distrik haus sik.

Long Kompiam haus sik, Dokta Mills i sekim dispela sik man na i painimaut olsem rop bilong karim blut i go long bel bilong dispela man i pas.

Bikos long hevi, Dokta Mills i tok dispela i bikpela hevi na i putim laip bilong dispela man long mak nogut.

Dokta Mills i lukim olsem na i hariap tru long stretim dispela man.

Em i mekim blut i ran gen na dispela man inap long toktok na kaikai gen.

Bihain long dispela, Dokta Mills i tokim MAF olsem dispela sik man i bin inap long dai insait long ol aua tasol, i no de sapos MAF balus no kisim em long kisim helpim.

Dokta Mills i amamas na i givim bikpela tok tenkyu long ran na wok bilong MAF.

Dispela i bin Ista taim na ol MAF i tok, em i gutpela ol i sevim wanpela man long Ista.

MAF i tok Ista i taim Jisas i kirap bek long dai na i gutpela wok bilong ol i bin helpim na sevim laip bilong wanpela man.

“Mipela i maus manmeri bilong Krais long bringim hop, laik pasin na toktok bilong Jisas i go long ol arapela manmeri,” em i tok.

“Long yuniti, yumi wok wantaim na bringim laik na hop i go long ol manmeri.”