SIAMAN bilong Nasfund, Ian Tarutia, i bin makim bod na tokaut long fainensel akaun bilong yia 2020.

Fainensal risal bilong yia 2020 i bin kamap olsem.

• Total aset i go antap long K256.8 milien ( 11.3 pesen go antap).
• Net aset veliu i go antap long K29.2 milien (Go antap long 14.3 pesen).
• Mani i kam long ol bisnis i go antap long K27.6 milien (Go antap long 10 pesen).
• Totol revenyu go antap long K32.2 milien (Go antap long 13.9 pesen).
• Mani i kam long ekpens i go antap long K15.9 milien (Go antap long 17 pesen).
• Net inkam i go antap long K13. 2 milien (Go antap long 9.5 pesen. Bihain long ekspens na interim intres peimen long ol memba na dinau).
• Saun Jenerel Risev i go antap long K17.8 milien. (Go antap long 17.4 pesen).
• Intarim Intres Peimen long ol memba i go antap long K2.5 milien (Go antap long 17.4 pesen).
• Totol membasip i go antap long 133, 869 memba (Go antap long 9.2 pesen).
• Memba seivings i go antap long K219.5 milien (Go antap long 11.2 pesen).
• Net lon potfolio i go antap long K122.0 milien (Go antap long 9.5 pesen).
• Totol namba bilong lon ol i prosesim i go antap long 134, 327 (Go antap long 23 pesen).

Long yia 2020, NCSL i baim 1.2 pesen interim intres i go long seivings bilong ol memba. Bihain long stetuteri risev bilong 20 pesen, NCSL i bai baim narapela 4 pesen o K9.8 milien intres i go long ol memba. Na dispela i bringim intres bilong yia 2020 i go long 12.3 milien o 6 pesen we ol memba bai benefit long en.

Long taim em i mekim dispela toksave long Fraide 26, Mas, Ian Tarutia i tok NCSL bai mekim ol intres peimen i go long seivings akaun bilong ol memba long sem de.

Em i tok Bod i amamas long ovarol risal bilong NCSL maski COVID-19 i bin kamap na givim planti salens.

NCSL bai go het long groim ilektronik benking bilong em long kamap namba wan e-benk long kantri na i inves long infomesin teknoloji envairomen. Dispela em long helpim kampani i mentenim wok bilong em insait long seif envairomen.

Mista Tarutia i tok amamas long CEO Vari Lahui long lidasip bilong em na i givim luksave long ol hatwok bilong ol wokmanmeri long kontribiusen bilong ol long kamapim gutpela risal long 2020.

Em i luksave na tok tenkyu tu long olgeta memba long konfidens na sapot bilong ol long 2020.

Carolyne Ketsimur i raitim