I kam long buk “Be Inspired” Papa Sam i raitim na Carolyne Ketsimur i tanim long Tok Pisin

LAS isiu yumi rit na save long pawa bilong tingting bilong yumi wan wan manmeri na pikinini. Nau long dispela isiu bai yumi lukluk long rot bilong divelopim ol dispela tingting long kamapim samting yumi laikim.

Wanpela gutpela rot bilong divelopim tingting bilong yumi wan wan em long yusim. Taim yumi yusim tingting bilong yumi olgeta taim, em bai kamap pawaful na hariap long prosesim ol samting yumi tingim, wantaim helpim bilong 6-pela sens bilong bodi bilong yumi.

Namba wan rot long bihainim em long mekim disisen. Taim yu laikim gutpela samting, yu mekim disisen long kisim dispela samting. Taim yu kamapim  gol bilong yu, yu mekim disisen long lainim, prektisim, mekim ol wok bilong helpim yu long kamap long dispela gol.

Taim yu mekim disisen, yu mas mekim komitmen long bihainim disisen bilong yu. Na yu mas disaplinim yu yet long bihainim disisen bilong yu.

Gutpela rot bilong divelopim disaplin em “Tingting bikpela na stat liklik na impruvim wok bilong yu long olgeta de”.

Human Development Institute (HDI) i gat wanpela projek tasol, em ol sumatin bilong en. HDI i save redim ol sumatin bilong en long divelopim potensel bilong ol na helpim ol long win long laip.

Redim yu yet em i ki bilong win. Na HDI Pesenel Vaiabiliti Bisnis Skim (PVBS) em prektikol edukesen sistem bilong helpim ol pipel long win long laip na bisnis. Planti pipel i save kisim skul bilong plenim wok bisnis, tasol ol i no save long redim ol na tingting bilong ol long statim ol bisnis plen.

HDI i givim yumi luksave olsem yumi mas kamap Hiuman risos pastaim bihain kamap Hiumen aset. Olsem na em (HDI) i kamap wantaim dispela fomula;

VAIABOL MANMERI + VAIABOL PROJEK = SASTENABOL WIN

HDI skul i save givim 4-pela kain rot bilong yusim tingting. Em ol;

1. Linia Tingting (Linear Thinking) - Rot bilong yusim memori bilong yu. Kisim save na putim long het.
2. Letrol Tingting (Lateral Thinking) - Rot bilong ogenaisim na yusim ol risos bilong helpim ol arapela na luksave long wanem samting bai wok gut na wanem samting i no wok gut.

• Parabolik Tingting (Parabolic Thinking) –Rot bilong yusim tingting long luksave long samting i stap hait, samting i no stap long buk o samting ol arapela i no putim ples klia. Luksave long ol trupela samting i stap hait.

1. Holistik Tingting (Holistic Thinking) - Andastenim na yusim lo bilong yunives. Olgeta samting long yunives i konek long wanpela na narapela. Long dispela rot, yu ken luksave long samting i no gutpela na yu rausim bipo long em i bagarapim plen o wok bilong yu.

HDI skul i lainim yu long stap insait long laip i gat mining, long gat gutpela tingting bilong mekim na kisim ol projek we i ken helpim yu long mekim mani bilong yu yet na win long laip.