SIAMAN bilong BSP, Sir Kostas Constantinou (OBE) i tokaut long Fraide 26, Mas, 2021 olsem ol Seaholda bilong BSP i wanbel na tok orait long senisim nem “Bank of South Pacific Limited” i go long “BSP Financial Group Limited” na tu bai gat sampela senis  i kamap long konstitiusen.

BSP bai go het yet long salim aplikesin bilong em i go long Australia Sekyuriti Eksens bilong stap long lista long ASX.

Sapos ol i apruvim, BSP bai tredim sea bilong em wantaim PNGX na ASX.

CEO Robin Flemming i tok nem “BSP” bai pairap yet akros long Pasifik.