OPERESEN bilong Oil Search long Papua Niugini i stap yet aninit long lukaut bilong kwarentin mesa bilong las yia 2020. Dispela em ol ektiviti i stap long kontrol na rosta bilong olgeta wokmanmeri.

Stat long dispela taim COVID-19 i kam insait long kantri inap nau, i no gat wanpela wokmanmeri insait long kampani i kisim  COVID-19 yet.

Tasol nau long dispela taim we namba bilong COVID-19 i wok long go antap kwiktaim long PNG, Oil Search i sanap strong moa yet long lukautim ol wokmanmeri bilong em na mentenim seif operesen long kantri.

• Mipela i strongim kraisis na imejensi menesmen plen wantaim ol tim long PNG na Sydney long monitarim situesen.
• Ol fil lokesen long PNG i go het long operet aninit long tok lukaut bilong protokol we i bin kamap long 2020. Ol tok lukaut bilong ol wokmanmeri, ristriksen long trevol long ol fil lokesen, ol strik preventetiv mesa na kwarentin zon.
• Mipela putim moa sampela mitigesin mesa olsem, baim moa testing ikwipmen na surukim kwarentin taim i go moa yet, bilong lukautim ol wokmanmeri na ol kontrakta i go long fil.
• Mipela i daunim namba bilong ol wokmanmeri long Pot Mosbi opis i go long tim bilong ol medikol, sekyuriti fesiliti pesenel na opis i save mekim tes long ol wokmanmeri long olgeta de.

Moa yet, Oil Search i givim han long helpim gavman atoriti long banisim COVID-19 long spred insait long kantri.

• Mipela i sapotim Gavman bilong PNG long baim na bringim 500,000 ol PPE, na tu mipela i mekim tes long ol rimot medikol klinik bilong mipela.
• Mipela i askim Gavman bilong Australia long helpim wantaim ol program bilong Dipatmen bilong Foren Afeas na Treid na ol arapela ejensi.
• Mipela i joinim ol arapela kampani long PNG na wok bung wantaim PNG Gavman na komyuniti long bringim ol toksave na sapot bilong veksin.

Dokta Keiran Wulff, Menesing Dairekta bilong Oil Search i tok, “COVID-19 i no gutpela long ol pipel bilong PNG, em i bai bringim hevi long kantri. Mipela i mekim olgeta samting long lukautim ol wokmanmeri bilong mipela bai ol i ken go het long wok na sapotim ol famili bilong ol. Mipela i redi tu long sapotim Gavman bilong PNG na Australia long karimaut veksin”.