BREN o Kru bilong het i gat kain kain samting i save kamap insait long en. Em i gat samting ol i kolim “Sel” we i save helpim ol manmeri na pikinini long putim ol tingting bilong ol, harim krai bilong kain kain samting, teistim kaikai, smelim samting na olgeta narapela kain eksen i save kamap long bodi bilong yu stat long taim mama karim yu.

Insait long bodi bilong wan wan manmeri na pikinini, i gat strong we i ken bagarapim olgeta siti long wol na sanapim bek gen. Yumi gat pawa winim pawa bilong olgeta kompyuta na ol arapela samting long graun. Yumi gat pawa bilong tingting, laikim samting, strong bilong mekim samting, kamapim samting, plen long mekim samting, ekt, prea na moa.

Tingting bilong yu i save kontrolim bodi bilong yu long mekim samting.  Wok bilong yu olsem wan wan manmeri em long progremim tingting bilong yu olsem kompyuta. Tingting i go pas long samting we yu laikim. Na tingim hau  yu laik lukim dispela samting i kamap tru.

Papua Niugini i gat planti kain kain risos. Tasol ol pipel i no gat mental pawa na skil bilong skelim na yusim ol dispela risos long kisim gutpela samting.

Save, risos na fisikal skil i no gat veliu long en inap yu save long rot bilong yusim. Yu yusim bilong kamapim gutpela sindaun bilong yu na kantri bilong yu.

I no gat narapela rot bilong divelopim ol abiliti, talen, na pawa bilong tingting bilong yu. I no gat skul long PNG i ken skulim yu long divelopim pawa bilong tingting bilong yu, tasol HDI tasol i ken helpim  yu. Ol arapela skul i skulim yu tasol long kisim save na i no skulim yu rot bilong yusim dispela save.

Skul bilong HDI i save givim save na trening bilong divelopim tingting bilong ol manmeri long win long taim bihain.