“EGRIKALSA em i strong bilong ikonomi. Olsem na putim strongpela tingting i go long egrikalsa em i namba wan samting i go long gutpela rot bilong taim bihain.”

Edvaisa bilong Egrikalsa long Sauten Hailans  i bin mekim dispela tok.

Em i tok provins i lukim planti senis we egrikalsa i kamapim.  Olsem na Provinsal Gavman i putim K10 Milien bilong sapotim na strongim egrikalsa long Sauten Hailans.

“Mipela i amamas long kisim K10 Milien fanding i kam long provinsal gavman. Dispela em bai helpim ol pipel long divelopim egrikalsa long provins,” Mista Kuimp i tok.

Em i tok moa olsem, wantaim sapot bilong Fresh Produce Development Agency (FPDA) na Innovative Agro Indastri, wanpela fektri bilong mekim sips i sanap nau na dispela bi helpim long pusim provinsal atoriti long strongim moa ol program bilong egrikalsa long provins.