OL vanilla fama na ol tebol maket venda long Maprik taun na ples i no amamas long prais we nau ol ekspota i baim vanilla bilong ol long en.

Dispela i bihainim wanpela lukluk raun we Deputi Dairekta bilong European Union (EU) Mista

Adrien Mourgues i bin mekim long taim bilong Sainin bilong LOA bilong FAO STREIT PNG na FOWIAD long Maprik.

Planti fama na ol tebol maket venda bai i tok ol ges tasol na baim vanila, long praise we ol no save na taim praise i senis go daun em ol, painim hevi, na dispela i nau kamap wari long ol.

Long bekim, FAO STREIT Program  Spice Kodineta, Nanda Sari i tok ol dispela hevi nau ol fama i bungim em klostu bai i pinis, tasol em i laik bai ol fama i mas bihainim program na mekim wanem ol i toktok na skulim ol long en.

Mista Sari i tok prais bai orait taim vanila fama kamapim kwaliti. Kain olsem save long avestim, hau long draim na ol dispela bai kamapim kwaliti na bai I apim prais i go antap.

Em i tok tu olsem ol dispela wokabaut bilong ol FAO STREIT PNG program long Is na Wes Sepik wantaim dispela mani mak bilong K347 millien em long helpim fama bilong kakao, vanila na pis, long groim, lukautim na go salim long gutpela maket. Dispela olgeta samting bai kamap long dispela yia 2021.

Jonathan Poema i raitim