OL kastoma bilong Bemobile sim kat i ken eksesim Kina Konnek mobail benking sevis long fon bilong ol.

Kina Konnect mobail benking sevis em isi rot bilong ol kastoma long salim mani, kisim unit bilong fon na isi pei bilong pawa, baim samting onlain na sekim balens bilong benk akaun.

Ivan Vidovich, Kina Benk Sif Trensfomesin opisa i tok namba wan tingting na wok bilong ol em long helpim ol kastoma long mekim benking  bilong ol i kamap isi.

“Mipela i amamas long toksave long dispela nupela maket.  Ol kastoma bilong Kina Benk i ken eksesim mobail benking wantaim bemobile netwok,” em i tok.

Konnect i gat sevis we ol kastoma i ken senisim PIN namba bilong ol, menesim ol peimen na senisim tokples.

 Long eksesim Konnek, ol kastoma i mas rejistaim sim kat long ol brens bilong Kina Benk pastaim bihain dailim *525# long ektivetim sevis.

Dispela sevis i stap 24 aua long 7-pela de.

Carolyne Ketsimur i raitim