FOOD and Agriculture Organizatio (FAO) wantaim Dipatmen bilong Praimeri Indastri na Marin Risos
(DPIMR) long Atonomus Bogenvil Gavman (ABG) i bin holim wanpela Fud Sekyuriti stekholda
konsaltesin woksap long Februeri 12, 2021 long Buka.

Olgeta stekholda bilong ABG dipatmen i bin kamap long dispela woksop. Ol DPMIR, Dipatmen bilong
Ikomik Divelopmen, Dipatmen bilong Helt, Dipatmen bilong Komyuniti Divelopmen, Bogenvil Disasta
opis na ol divelopmen ogenaisesin na NGO long Atonomus rijon ov Bogenvil.
Astingting bilong dispela woksop em long putim tingting long kamapim polisi bilong Fud Sekyuriti
long Bogenvil.
Fud Sekyuriti em taim kantri o provins i gat inap kaikai bilong olgeta pipel long olgeta de. Kaikai i mas
gutpela na ol pipel i ken baim long gutpela prais.
Polisi bilong Bogenvil Fud Sekyuriti i toktok long 6-pela samting;
1. Prodaktiviti na faming- Groim ol stepol kaikai na ol kain kain diwai bilong yusim, laipstok,
lukautim pis na strongim veliu sein.
2. Stabiliti na resiliens- Groim ol kaikai we bai stap wankain na i no inap senis. Na long wankain
taim i ken kamap gut bek sapos i bagarap.
3. Strongim ol pipel long kaikai ol kain kain balens kaikai.
4. Strongim ol meri long wokbung wantaim long egrikalsa sekta.
5. Mentenim yus bilong neserel risos menesmen.
6. Na strongim gavanens, kodinesen, monitaring na komyunikesin.
Bogenvil Fud Sekyuriti Polisi i sanap strong long lukautim ol pipel bilong Bogenvil long gat fisikal na
ikonomik ekses long gat inap kaikai bilong ol famili long stap helti.
Yolande Geroldine Paul, Minista bilong Praimeri Indastri i tok tenkyu long FAO long sapot bilong ol
long divelopim Fud Sekyuriti long Bogenvil.
“Dispela woksop em namba wan rot bikos fud sekyuriti em bikpela samting long laip bilong ol pipel”
Kenneth Dovaro, Ekting Seketeri bilong DPIMR i tok.
Ken Shimizu, Het bilong FAO Kantri opis long PNG i tok Fud Sekyuriti em i impoten na em i tok
tenkyu long olgeta stekholda long bungim ol tingting na wok long dispela polisi.
FAO em wanpela UN ejensi, we i wok long divelopim na sapotim fud sekyuriti, egrikalsa, pis faming
na forestri long PNG. Em i givim teknikal sapot long DPIMR long divelopim Fud Sekyuriti long
Bogenvil.
Bihain long dispela bikpela woksap, bai gat ol arapela woksap bai kamap long Not, Sentral na Saut
Bogenvil.