FLORENCE Saia (Mama Eagle) em i mama bilong tupela pikinini na em i kam long Tinputz distrik, long
Not Bogenvil. Em i bin wok meri bilong Paraise Foods bipo na bihain em i tingting long senisim wok
bilong em.

Florence na tim bilong em i gat bikpela laik long helpim ol pipel bilong Papua Niugini bai ol i ken save
long menesim laip bilong ol na ol famili bilong ol. Na lusim pasin bilong askim long helpim oltaim.
Bihainim dispela tingting tasol na Eagle PV Bisnis Skim i kamap.
Long Janueri 2015, Florence i bin joinim International Multi-Level Marketing (MLM) kampani ol i
kolim JM Ocean Avenue bikos long ol helt prodak bilong ol. Bihain em i strongim man bilong em
Henry Vuia long joinim tu.
MLM i save wokbung wantaim Intanesenel Sapot Sistem ol i kolim Freedim Daohe International (FDI)
long givim trening na ol arapela program long ol memba long save long ol prodak, salim ol prodak na
rot bilong salim ol dispela prodak long ol kastoma na kamapim netwok.
Taim Florence na Henry i bin kisim dispela save, ol i kam bek na trenim ol memba bilong Eagle PV
Bisnis Skim. Long dispela rot tasol na olgeta i bin stat long gat driman long karimaut kain kain bisnis
long sapotim ol famili bilong ol.
Long dispela taim, ol Eagle tim i divelopim ol lida na mento bilong ol long 2016 na 2017. Tasol ol i bin
wok long painim yet wanpela gutpela patna we ol i ken wok wantaim long karimaut ol driman bilong
ol.
Long 2019, Florence i bungim Human Development Institute (HDI) wantaim Faunda Papa Sam. Bihain
long bung bilong ol, tupela i wanbel long wokbung wantaim.
HDI i save givim skul bilong yusim tingting na save long mekim mani. Em skul we ol patisipen i skul
wankain taim ol i mekim mani bilong ol yet na famili. Faunda Papa Sam, i gat bikpela laik tru long
sevim ol pipel bilong PNG na skulim ol long stap indipenden.
Nau wok bilong ol i kamap gut tru na moa long 40,000 pipel i kisim skul bilong ranimbisnis na moa
pipel i wok long kam yet.
Eagle PV Bisnis i laik karimaut bisnis bihainim PNG na Melanesia pasin, bilong sapotim wanpela
narapela.
Driman bilong Eagle PV em long
 Givim sans long olgeta pipel bilong PNG long kamap indipenden na self-rilaens
 Sapotim ol bisnis manmeri long kamapim, divelopim na menesim ol bisnis bilong ol
 Sapotim ol bisnis mameri long kamap saksesful long ol liklik, midium na bikpela bisnis.

Carolyne Ketsimur i raitim