ExxonMobil PNG (EMPNG) i luksave long 7-pela wokmanmeri bilong en bilong Papua Niugini long
hatwok na kontribiusen bilong ol long PNG LNG Projek olsem hap bilong Lead Country Manager
(LCM) awot i save kamap olgeta yia.

Ol dispela 7-pela lain em; Elsie Digwaleu, Elmira Puy, Julia Hagoria, Vivienne Pasen, Francis Avel na
Seth Woruba.
Nau em i namba 4 yia bilong LCM awot program. Kampani i givim luksave long ol wokmanmeri husat
i soim trupela wok na i bihainim “Em pasin bilong ExxonMobil long PNG” kalsa.
Dispela kalsa i bin kamap long hatwok bilong kamapim wok ples we i save wokbung wantaim ol
arapela wantaim kalsa bilong PNG na ExxonMobil.
Kalsa bilong EMPNG sanap strong long 6-pela samting. Em ol seifti, sekyuriti, envairomen, integriti,
wokbung wantaim na ekselens.
I bin gat 25 wokmanmeri Kantri Lidasip tim i bin makim, tasol Employee Divelopmen Komiti i kisim
7-pela tasol.
Lid Kantri Menesa na Menesing Dairekta bilong ExxonMobil PNG, Andrew Barry i tok amamas long
7-pela na tu em i tok tenkyu long olgeta wokmanmeri bilong ExxonMobil long gutpela wok na
hatwok bilong ol.
“Mi amamas na mi tok tenkyu long gutpela wok bilong ol wanwok long yia 2020. Olgeta i bin wok hat
tru long Kampani bai kamap gut,” em i tok.
“Kongresulesen long ol lain husat i winim 2020 LCM awot. Komitmen na kontribiusen bilong yupela
long strongim veliu bilong “Em pasin bilong ExxonMobil long PNG” program i gat bikpela luksave,”
Mista Barry i tok.