NESENEL Superannuation Fund (NASFUND) i toksave long ol kampani i mas baim supanuesin
kontribiusen long taim long olgeta mun.

Sif Opisa Memba Sevis bilong Nasfund, Anne Wilson i askim olgeta kampani long mekim peimen
bilong ol kontribiusen i kamap namba wan long kantri.
Aninit long seksen 78 (1) bilong Supanuesin Ekt i tok, kampani i mas baim kontribiusen bilong em
insait long namba 14 de long pinis bilong olgeta mun.
Olgeta peimen i mas kamap bipo long diu deit. Kampani i no mekim dispela bai kisim sas bilong em.
Nasfund i askim olgeta kampani long yusim Employer Online Portal (EOP) long apdetim ol
kontribiusen bilong ol.
EOP em i stap 24 aua olgeta de na em i save mekim wok bilong putim mani long akaun bilong wan
wan memba isi na kwiktaim.
Ol kampani i ken yusim EOP long apdetim ol infomesin bilong ol nupela na olpela wokmanmeri tu. Ol
kampani i no gat ekses long EOP i ken salim tok long email This email address is being protected from spambots. You need JavaScript enabled to view it. o visitim Nasfund
Akaun Menesa long rejista.
“Nasfund i givim dispela pletfom long ol kampani long gat isi ekses long supanuesin sevis. EOP em
wanpela rot bilong sapotim ol kampani long lukautim ol wokmanmeri bilong ol na mekim isi wok
bilong ol long apdetim ol kontribiusen,” Anne Wilson i tok.
Em i tok moa olsem em i amamas long wok klostu wantaim ol kampani i save kontribiut i go long
Nasfund.
“Yumi wokbung wantaim bai ol memba i redi taim ol pinis wok” em i tok.

Carolyne Ketsimur i raitim