GAVANA Saonu i redi long sapotim ol apol fama long Menyama long planim moa kwaliti apol.

Las wik ol fama bilong Menyama i bin bringim ol apol bilong ol i go long opis bilong em long Lae. Ol i
soim long Sif ov Staf Tokana Hasivi na Provinsal Strateji Analis Noah Ariku.
Sapot bilong Gavana bai helpim ol fama long gat ekses long mani aninit long Morobe SME Program
bilong sapotim ol long surukim prodaksen bilong apol i go antap, na ol bai planim moa kwaliti apol
na painim gutpela maket bilong ol.
Gavana Saonu i tok em i redi long kamapim moa sans bilong ol rurel fama long kisim moa mani
bilong helpim ol long go het wantaim ol projek bilong ol. Bikos dispela bai kamapim gut ikonomi
bilong Morobe provins long taim bihain.
“Mi askim Morobe Provinsal Komes opisa long visitim ol fama na lukluk raun long fam bilong ol.
Kisim data na bringim ripot bilong apol fam i go long Provinsal Gavman. Bikos dispela infomesin bai
helpim Provinsal Gavman long sapotim ol fama,” Mista Hasivi i tok.
Wanpela mausman bilong ol fama i tok, ol 35 fama i kamapim kopretiv grup bilong ol pinis na ol i
redi long wok bung wantaim Provinsal Gavman.